Yuomo ang pare, Ahmadiihe sage diyeng ka ba tuntunna Mirza Ghulam Ahmad Qadiani daang nunye ti yidaan dao Muhammad. Billaga na veming ka ti yeehe yalejagehene Ong seo agbage silaamaye yidaandao ni.

Masta Riyaz Ahmad Arshad, Ahmadi dao kanga anyi Kotli Afghanistan min beye ana baalunga. O seoyeng;

‘ N yideera (Mirza) daang nunye Naagmene tuntunna’. Bang seo ama a eng Urdu seo kpaga puong.

Mirza Ghulam ming daang seoye a mine a yala; Naagmene nungbo puoring, n bugeyeng aning Mahammadu nungbo. Ka billang e ju chi yala yeng, billa n ju chibe. N jingwuuhe aning a gyagehe jaang pa aning Mahammadu nungbo. N sikiri eye kpale, kye pinaa nung Mahammadu. E peliyang n vorihung, Gmene nadi n siye sohe Gmene ku e. N bung eya nungbo a ku Mahammadu. Kang kuÉng a numa a e forifori ayi Mahammadu kolee.

Tiyidaan dao Mahammadu yiye niya nga nuuhi chaanii ang yi. E nungbo jung n yelingye n bung jaa. N siye tuye Mahammadu siye, mang nyu O gmane puong nungbong.

Gmene henihung na bang nyiye n jogong. N ning Mahammadu lang kparebo puong, kang ning Gmene lang kpare. E numbo deeye bungjaa ayi n egang, a me ten kpong eming n sikiring.

Ti eye deen jamaa tuniba aning yale waanehe bung paane. Ti sage yang ka uunhuu la ti, Ahmad soreng. Ka bang ehi.

Ama mine ka Mirza seo a beling nuba ka ba teeha ka O nungye Mahammadu, ka bila veng ong e tuntunna. N seoyeng, ka Mahammadu la tuntuniba baahaa, tuntunna, kyibe O puoreng, begu ming kyibe. Ka nee jaa wa yalika tuntunna leo, jaangha la ka danga bi O jung. Ama jaang veng ka Gmene wa leorema tuntunna.

Tiyidaang dao Mahammadu puoreng, ona la tumbo baahaa bila yang ba kare tumbo. Maangla ana tuntunaga, yuomo lijare ampare Braheen Ahmadiyya puong Gmene buong mang Mahammadu aning Ahmadu, a marema ka tuntunna Mahammadu. Billa gang wuli ka Mahammadu tumbo baahebo ne ba kare n tumbo.

N limaniye la ne ka yuomo tuhi aning kÉÉhaa ta, ayi tumbo waana ga, n tumbo ga tÉ bala yi Mahammadu juriya puong. (Mirza).

Mirza Basheer Ahmad seo yang ‘’ Nee ang nye Mahammadu bunye tÉ juriya puong la Mirza. O na ming yong bang ehi ka ti buong ka tuntunna.

Kareng kaniba na nyiye bila ne Mahammadu nungbo ni Ghulam ang daang tarene angwa leora ka O leo Mahammadu. Syed Abdul Hafeez Shah seo ya yalehi ang na yi tona kue.

Masta Riyaz Ahmad Arshad, Chihilung bi O egang, bareka aning e gbangu. Tuntunna ang yale ka e ba limaana sere ka e numbo nima wagaa e numbo aning e ba, e bie aning ningsaalaa jaa ( Bukhari). Ka Gmeneng sage a yalemega daang na ying.

BO LA NUMBO ANING DEEBO?

Numbo yang mang yie bama ang pegeyi a piele Gmene ka billa mang veng ba ba pieha. Ka a na numbo mang veng bang woning jaanheba. Bila mang wa wuling ka begu jaa bala bigereba, ba kula bang la wuli nee jaa ming.

Ka e wata kye ka e logo yi Gmene, ka e logo yiyie tumbo, aning tuntuniba.

Tumbo numbo daang biye Ghaus, Qutub aning Abdaal seng a daang duohe bang wa leo tuntuna dang see deme. Aning ama bang mang nye. Ba ahejie Gmene seng eye yie neejaa ang kula wong ba yala.

TUNG TUNNA NA BANG EYe BUORAA?

Tung tuniba ning Gmene yala mang pareye O ning ninsaaliba tuore.

Gmene ang de no degere aning tung tiniba baahe, O yaliyang, ka yala nga mang kuye nga, gbama aning bambo, a puoring n na tungye nee ka O wadi dang see aning n bong tarehe ka ye pinaa summuu. Ong yale, ya wong yeng ana di O tuoraa bang yale ka een (Quran 3:81).

Ka anabi Mahama yale ka ona eya tung tunna, ka Adama nang bi kuong ning yagu kpakyegang. Ka Gmene yale O kuraana kpong puong; Yale; ninsaalaa lima a wayena kye a tumbo yeng, n seng ong wa ka Gmene eya bung yeni (Q, 18:110). Bila ngang welehe Mahammadu aning ninsaaliba jaa taang.

MIRZA ANG DeGE TI YIDAANG DAO MAHAMMADU;

Mirza Sahib yaleyang ka, malaaka Jibiriilu daand ba wa dunia jaa. O na ming la Malaaka nga ang mang waaning tumbo. A wuli ka ona Mirza Sahib ang daang banye tumbo ni jung, jibiriilu daang ba wa dunia.

Ka neeng na sugehe, ka malaaka buong da mang waaning tumbo ne wa ku Mirza Sahib, a tumbo ming daang woye wala to? O malaakahi yoe da da mang la; Eel, Tiichi Tiichi, Duresaani, Kayiraati.

Mirza mang la ihiye wale noe Kuraana puong kye mang yale ka awa Gmene ang yale Braheen - e - Ahmadiyya puong ne, ang . Ka wale noe saambo la, Mirza Sahib saanye walenoe jamma ayi Kuraana puong.

A DEeRA YIDAANG DAO AHEJIE;

Bang mang la yale ka ba yala ni ba yi Mahama yaleyaga. Ka a eye Kuraana yala, aning ama ang sige kubo. Timang di. Timang di Mahama yala ne bang kyiihe Kuraana aning tumbo mang di a kyelee ne loo awa kadaahe.

Mirza Sahib baalung daang tayang ka O mang di omenga maahe tung tuniba bee ong yale ka O seo bang. Kye jaanghe ka O poye kyio ayi a yiihe ana ni jaa ong yalene. A yale ka Mahama diina eya kyio kyelee ka O ming diina e kyio gbuli.

Niya jaa ang buora ka O nye Mahama, bo Ghulam Ahmad ang bi Qadian paalung. O gidihi gmaabo puoreng, O yaleyaga ang wuli ka jaanha luu. Ka;

Mahamadu tumbo eye gidii

Ka Mahamadu daang ba bang suratul zil zila muni.

Ka Mahamadu daang ba bang tumbohe mine ang mang bÉre.

TUBAAHAA;

TUMBOHE;

Ka wulibong wa wuli ka n tumbo koo nga jaa eya gidii, n na sageng ka gidi gmaara lima.

Ka atham ba nye dogehibo aning kuung wagete nga mang bing, billa yeng n sage ya dÉgehibo, lakoliye, pegema sagelaa, yare ma gmeehee kang kpe mara. N pÉyang ka Gmene na eye mang yale billnga.

Ama yalebo puoring, kati pinaa sugehe a yalehe baahaa;

O Gmene ju poge kuruu Mohammedi Begum. Gmene yale kuung ka O kung kpi ka O badi poga nga. Ahmadiihi jaa bang yang ka a poga ning O sera da biebe yuong lijaayi Mirza kuung puoring ka O ba deo.

Abdullah Atham ba kpi wagere ne Mirza ang yalene. A beo ning diihii hi ni jaa Mirza ning O yideme ang e.

O poga direhe, kanga ang ba bang dao aning nga sera ang kpi. Ang na bang wuli poga ong de bama puong?

O kuung, makan bii madiinang, ye ong kpi?

Katakye joo maka ning madiina puong, ana jaa ka O gbee daang binyeng. Billa ba e. Ama jaa ong yalenga muni la wala? A ihibo waanang;

PUSAANEE, BAALUNG JAANE, KOLIKPONG NAA ANING DAANG;

Ong wa e yuong pihita aning anii, ka tumbo waanuu wa saa. O jaanhebo piilee la bila, ka bi fora Basheer wa kpi ong la de pÉga kye ka O daolung pkiye. Ong de daang aning teenghe ka O teo O menga. Baalunghe ong daand beera la;

Pusaanee

Kung gbihi

Duurung baalung

Sikiri (nyeo) baalung

Yiebo anoing baalung jamaa. Jang jaanhe yaleyaga ong daang de ka Gmene yala la.

Ena tiehe ka a tung tuniba mine daang beye O beree nga? Tung tuna jaa daang ba e jang jaaha awa Ghulam, tiing nyu gang waaning British ang wa buora nee ang na saang silaamaya, ong sage. Ong yali, O gafu on seo puong ka O na la bung biri nga Britain ang bure ong seo ka Britain gÉmenante jung, ka O tÉreye gafuhi tuhi lijaayi aning pie a kara jahadu silaamaya puong bojung, ning jamaa sangye a yalanga ju.

A ju bakyi ngang veng ong yale ka ona la Maseeh, Maseel, jao jaora, nokpeeng gmira.

Baalung ngang veng ong di tung tuna jaa yuori, ka O na la; Adam, Noah, Seth, Abraham, Isaac, Eisa, Musah, angara........ Mahamadu.

Bang yali ka nee jaa ang ba tu Ghulam eya sengseng bie.

A nye O jangbo puong ka Gmene pogaluu, ala e O bie.

Ama jaang wuli ka Mirza baalung ba tari to. Kye jÉnglung puong ka nuba nang mang buÉra ka ba ku seobo buga yaleminga.

O leo yaleyang ka O potuuribo ka nga jaa ang bakaren O gafuhi awa buta ba paale. Mang na bang yali, ka Ahmadiihuu jaa kyibe jine a bang kareng O gafuhi jaa.

N welehiya a yala, O numbo ong daang tare ku Mahamadu ni ba e numbo, a tumbo ming ba e Gmene na ku e yang ka e mang kareng O gafuhi a nye a welehaa a nye yalemenga aning gidii.

A veng ka e tu sÉ toruu. Ameen. Naagmene la guro naa. Gmene na dee ti.

Wassalam alaikum.

ANTI AHMADIYYA MOVEMENT IN ISLAM
DR. SYED RASHID ALI
P . O . BOX 11560
DIBBA FUJAIRA
U . A . E
rasyed@emirates.net.ae